У дзвюх абласцях Беларусі абвясцілі чырвоны ўзровень небяспекі

• 8.09.2024, 17:13

Штармавое папярэджанне.

У дзвюх абласцях Беларусі абвясцілі штармавое папярэджанне. Пра гэта паведамляе Белгідрамет Мінпрыроды.

«Увага! Штармавое папярэджанне аб небяспечнай гідраметэаралагічнай з'яве! (чырвоны ўзровень небяспекі) 8-10 верасня (нядзеля-аўторак) на большай частцы тэрыторыі Гомельскай і Магілёўскай абласцей чакаецца надзвычайная пажарная небяспека (5 клас)», - гаворыцца ў паведамленні.

Ва ўсіх раёнах Беларусі ўведзены або забароны, або абмежаванні на наведванне лясоў.

Паводле звестак сіноптыкаў, 9 верасня надвор'е ў краіне працягне вызначаць вобласць падвышанага атмасфернага ціску. У панядзелак істотных ападкаў у краіне не чакаецца. Уначы і раніцай у асобных раёнах згусціцца слабы туман. Вецер паўднёва-ўсходні, усходні сярэдні, удзень парывісты, месцамі па захадзе моцны парывісты. Тэмпература паветра мінімальная ўночы складзе +7…+14°С, максімальная днём +23…+29°С.