Праверка транспартных сродкаў на літоўскай мяжы стане хутчэйшай

• 7.09.2024, 18:17

Будзе займаць 10-15 хвілін.

Праверка транспартных сродкаў на беларуска-літоўскай мытні «Мядзінінкай» стане больш хуткай. Яна зараз будзе займаць 10-15 хвілінаў, паведамляе «Еўрарадыё» са спасылкай на Obzor.lt.

Літоўскія мытнікі набылі новыя рэнтгенаўскія сістэмы.

Хутчэй правяраць зараз будуць не толькі легкавушкі, але і фуры. Гэта павінна дапамагчы скараціць чэргі на мяжы Беларусі і Літвы.