Эксперт: У Варонежскай вобласці РФ знішчаны склад паўночнакарэйскіх ракетаў

• 7.09.2024, 18:11

Гаворка пра ракеты KN-23.

У Варонежскай вобласці РФ знішчаны склад паўночнакарэйскіх ракетаў KN-23, паведаміў у Telegram ваенны эксперт Аляксандр Мусіенка.

«У Варонежскай вобласці гарыць і дэтануе склад боепрыпасаў. Паводле паведамлення маіх крыніцаў, гэта месца, адкуль ажыццяўляліся пускі балістычных ракетаў KN-23. Некалькі тыдняў таму непадалёк быў атакаваны яшчэ адзін вялікі склад», – адзначыў ён.

Мусіенка дадаў, што пакуль Расея шукае ракеты па свеце, Сілы абароны Украіны памяншаюць яе патэнцыял.

Пазней Мусіенка дадаў, што ў раёне сяла Салдацкае быў вельмі вялікі склад боепрыпасаў:

«Акрамя артылерыйскіх снарадаў, мінаў, патронаў, гранатаў там з вялікай верагоднасцю знаходзіліся паўночнакарэйскія ракеты. Менавіта тая балістыка, якой Расея абстрэльвае тэрыторыю Украіны… Праведзеная вельмі добрая праца».