У Пінску ўвялі карантын
- 6.09.2024, 12:51
Абмежавальныя захады ўжытыя ў межах усяго горада.
У Пінску абвясцілі карантын праз амерыканскага белага матыля, піша БелТА.
Абмежавальныя захады ўжытыя ў межах усяго горада. Спецыялісты правядуць карантынныя фітасанітарныя мерапрыемствы па лакалізацыі і ліквідацыі ачагоў пражэрлівага шкодніка.
Мясцовыя ўлады заклікаюць прадпрыемствы, індывідуальных прадпрымальнікаў і жыхароў абследаваць свае зямельныя надзелы і прылеглыя да іх тэрыторыі. Пры выяўленні ачагоў амерыканскага белага матыля трэба ўжыць захады па іх лакалізацыі і ліквідацыі.
Амерыканскі белы матылёк мігруе самастойна, а таксама перамяшчаецца транспартам, які перавозіць раслінную і прамысловую прадукцыю. Гэты інвазіўны від пашкоджвае больш за 250 відаў драўняных, хмызняковых і травяністых раслін. Упадабанай ежай шкодніка з'яўляецца клён ясенелісты і пладовыя дрэвы, у тым ліку шаўкоўніца, яблыня, алыча, сліва.
Павуцінневыя гнёзды з калоніямі гусеніц - характэрная прыкмета агменю амерыканскага белага матыля. Спачатку могуць быць аплеценыя некалькі лісцікаў, пазней - цэлая галінка. Разрастаючыся, гнёзды могуць дасягаць 1-1,5 м, а часам і захопліваць «у палон» цэлыя дрэвы.
Выяўленыя гнёзды з гусеніцамі трэба зразаць і спальваць на месцы.