Група ўкраінцаў ледзь не падарвалася на мінах на мяжы з Беларуссю
- 6.09.2024, 10:46
Падрабязнасці.
Украінскія памежнікі затрымалі групу мужчын прызыўнога ўзросту, якія спрабавалі перайсці мяжу з Беларуссю.
Супрацоўнікі Дзяржпагранслужбы Украіны знайшлі пецярых мужчын непадалёк ад беларускай мяжы.
Паводле наяўнай інфармацыі, яны планавалі незаконна перайсці мяжу і схавацца на тэрыторыі Беларусі, накіроўваючыся да замінаванага адрэзку.
«Такім чынам, удалося не дапусціць не толькі парушэння дзяржаўнай мяжы, але і выратаваць людзям жыццё», - паведамілі ў Дзяржпагранслужбе.
Затрыманых перададуць у тэрытарыяльны цэнтр камплектавання, які адказвае за мабілізацыю.