Самалёт «Белавія» дзіўна кружыў перад пасадкай у Батумі

• 6.09.2024, 9:32

У чым справа.

Самалёт «Белавія», які вылецеў з Менска ў Батумі ўвечары 5 верасня, мяркуючы па ўсім, не зайшоў на пасадку з першага разу, вынікае са звестак Flightradar24. Як распавёў чытач «Зеркала», разам з ім за перыпетыямі рэйса на сайце сачылі амаль тысяча чалавек - нейкі час ён быў самым прагляданым.

Судзячы па звестках сэрвісу, самалёт «Белавія» не змог зайсці на пасадку з першага разу: зрабіў некалькі колаў над Чорным морам і толькі пасля гэтага ўсё ж сеў у Батумі. Са слоў нашага чытача, на той момант рэйс апынуўся на першым месцы па праглядах у Flightradar24 - за ім сачылі звыш 1000 чалавек.

Пры гэтым, мяркуючы са звестак аэрапорта Батумі, прыбыў самалёт паводле раскладу - а 4.30 паводле мясцовага часу. А вылецеў з Менска ён а 23.15.

Такія паводзіны самалёта могуць быць звязаныя з надвор'ем — у Батумі ў момант пасадкі былі навальніца і лівень, расказвалі мясцовыя жыхары.