У Рыме маланка ўдарыла ў арку каля Калізея
- 4.09.2024, 11:24
Фотафакт.
Арка Канстанціна, гіганцкая старажытнарымская арка побач з Калізеем, была пашкоджаная пасля моцнага шторму, які накрыў Рым.
Пра гэта паведамілі ў аўторак органы аховы помнікаў, паведамляе Reuters.
Археалагічны парк Калізея пацвердзіў, што ў помнік патрапіла маланка.
Трыумфальная арка была пабудаваная ў 4-м стагоддзі нашай эры ў гонар перамогі Канстанціна - першага рымскага імператара, які прыняў хрысціянства - над сваім апанентам Максенцыем.
Яна мае вышыню амаль 25 метраў і размешчаняа ў той самай пешаходнай зоне, дзе стаіць Калізей - галоўная турыстычная славутасць.