Куратарка еўраатлантычнай інтэграцыі Украіны падала ў адстаўку
- 3.09.2024, 21:14
Адпаведную заяву яна падала ў Раду.
У адстаўку падала віцэ-прэм'ерка ў еўрапейскай і еўраатлантычнай інтэграцыі Украіны Вольга Стэфанішына, паведаміў спікер украінскага парламента Руслан Стэфанчук.
«У Вярхоўную Раду паступіла заява ад віцэ-прэм'ер-міністаркі ў пытаннях еўрапейскай і еўраатлантычнай інтэграцыі Украіны Стэфанішынай А.У. аб адстаўцы. Заява будзе разгледжаная на адным з найбліжэйшых пленарных пасяджэнняў», – напісаў ён.
Раней сёння ў адстаўку падалі тры ўкраінскія міністры – кіраўнік Мінстратэгпраму Аляксандр Камышын, кіраўнік Мінюста Дзяніс Малюська і кіраўнік Мінэкалогіі Руслан Стралец. Тое самае зрабіў кіраўнік Фонду дзяржмаёмасці Віталь Коваль.