У Курскай вобласці расейскія вайскоўцы расстралялі кадыраўцаў

• 3.09.2024, 14:54

Іх прынялі за ўкраінскіх дыверсантаў.

Байцы расейскай тэрытарыяльнай абароны ў Курскай вобласці расстралялі аўтамабіль са сувязістамі «кадыраўцаў» з «Ахмата», прыняўшы іх за ўкраінскіх дыверсантаў, паведамляе «Дыялог».

Двое расейскіх акупантаў атрымалі цяжкія раны.

Пра гэта паведаміў адзін з расейскіх вайскоўцаў, распавёўшы аб поўным хаосе і блытаніне ў атрадах Курскай тэрытарыяльнай абароны.

Высветлілася, што ніякай пісьменнай вайсковай структуры ў вобласці не створана. Выпадковым людзям раздалі зброю, што абарочваецца вялікай колькасцю праблем для саміх расейцаў. Расейскія атрады не маюць дакладных задач і нармальнага камандавання, што прыводзіць да пастаянных інцыдэнтаў са стральбой па сваіх жа вайскоўцах і цывільным насельніцтве.