Лета трывае: паветра ў Беларусі прагрэецца месцамі да +33°С
- 2.09.2024, 18:07
Прагноз надвор'я на тыдзень.
Паводле прагнозу сіноптыкаў, у аўторак, 3 верасня, паветра ў сярэдзіне дня на большай частцы тэрыторыі Беларусі прагрэецца да +28..+30°С. Істотных ападкаў не чакаецца. Уначы тэмпература паветра будзе +12..+17°С у залежнасці ад рэгіёна краіны.
Да канца тыдня, паводле папярэдняга прагнозу, анамальна цёплае для гэтай пары года надвор'е захаваецца.
Максімальная тэмпература паветра ў сераду-пятніцу ў дзённыя гадзіны будзе ад +29°С да +33°С. Раніцай прагназуюцца туманы і вільготнасць паветра да 60 адсоткаў, ападкаў не чакаецца.
Згодна з доўгатэрміновым прагнозам, на наступных выхадных у Беларусі таксама будзе па-летняму горача - да +28..+30°С.