У Расеі затрыманы намеснік камандзіра Ленінградскай вайсковай акругай
- 2.09.2024, 17:25
«Чыстка» каманды Шайгу працягваецца.
Следчы камітэт Расейскай Федэрацыі ініцыяваў крымінальную справу супраць Валерыя Мумінджанава, які займае пасаду намесніка камандзіра Ленінградскай ваеннай акругай. Ён падазраецца ў атрыманні хабару ў асабліва вялікім памеры, паведамляе выданне The Moscow Times.
Раней Мумінджанаў кіраваў дэпартаментам рэсурснага забеспячэння Міністэрства абароны Расеі і адказваў за пастаўку абмундзіравання для расейскіх салдат, уключаючы экіпіроўку для баявых дзеянняў супраць Украіны. Паводле версіі следства, ён, атрымаўшы 20 мільёнаў расейскіх рублёў "за спрыянне ў падпісанні кантрактаў на пастаўку абмундзіравання на суму 1,5 мільярда рублёў з камерцыйнымі фірмамі". Генералу можа пагражаць тэрмін да 15 год пазбаўлення волі.
Валерыю Мумінджанаву 60 гадоў, ранг генерал-маёра ён атрымаў у 2015 годзе. За год да гэтага ён стаў намеснікам начальніка Штаба матэрыяльна-тэхнічнага забеспячэння Узброеных сіл Расеі, а потым узначаліў дэпартамент рэсурснага забеспячэння Мінабароны. У 2023 годзе ён займаў пасаду намесніка камандзіра Цэнтральнай вайсковай акругай.
The Moscow Times таксама адзначае, што Мумінджанаў стаў шостым генералам з акружэння экс-міністра абароны Сяргея Шайгу, які апынуўся пад следствам паводле падазрэння ў хабарніцтве.
Арышты экс-чыноўнікаў мінабароны РФ
Раней, 23 красавіка, Следчы камітэт Расеі паведаміў аб затрыманні намесніка міністра абароны РФ Цімура Іванова паводле падазрэння ў атрыманні хабару.
26 ліпеня стала вядома аб арышце генерала Дзмітрыя Булгакава, якога падазраюць у прычыненні шкоды на 1,3 мільярда рублёў з-за паставак няякасных пайкоў у расейскае войска па завышанымі цэнамі.
5 жніўня затрымалі генерал-маёра Уладзіміра Шасцёрава, намесніка начальніка галоўнай управы інавацыйнага развіцця Мінабароны, у справе аб карупцыі. Ён стаў пятым высокапастаўленым вайскоўцам з каманды Шайгу, якая трапіла пад следства з канца красавіка 2024 года.
16 жніўня расейскія СМІ апублікавалі інфармацыю аб тым, што з Мінабароны быў звольнены паліттэхнолаг Андрэй Ільніцкі, якога лічаць ідэолагам Шайгу і адным з аўтараў сімвала поўнамаштабнага ўварвання ва Украіну - літары Z.
Нарэшце, 29 жніўня быў затрыманы яшчэ адзін экс-намеснік Шайгу, Павел Папоў, абвінавачаны ў карупцыі і махлярстве.