На адрас шэрагу школ Вільні паступілі паведамленні аб мінаванні
- 2.09.2024, 14:26
Лісты былі напісаныя на расейскай мове.
Раніцай, 2 верасня, паліцыя Літвы зарэгістравала шэраг паведамленняў аб атрыманні электронных лістоў на расейскай мове з пагрозамі ўзарваць навучальныя ўстановы, паведамляе LRT.
З пачаткам новага навучальнага года паліцыя ў панядзелак да 9 раніцы зарэгістравала 26 паведамленняў аб атрыманых электронных лістах на расейскай мове з пагрозамі ўзарваць навучальныя ўстановы.
Як паведаміла прадстаўніца Дэпартамента паліцыі Рэвіта Янавічутэ, усе паведамленні былі атрыманыя ў Вільні.
«Ёсць пагроза падарваць навучальную ўстанову, усе паведамленні падобныя (на леташнія пагрозы. - Рэд.). Як мы ўжо згадвалі, гэтыя паведамленні на расейскай мове, яны не пацвердзіліся», – сказала Янавічутэ.
Цяпер паліцыя не валодае інфармацыяй аб эвакуяваных навучальных установах.
«Пакуль няма інфармацыі пра дасудовыя расследаванні, распачатыя ў сувязі з ілжывымі паведамленнямі. Усё адбываецца, працягваецца, канкрэтных пастаноў наконт гэтага пакуль няма», – сказала прадстаўніца паліцыі.