Стала вядома, у якую краіну здзейсніў першы візіт новы кіраўнік МЗС Украіны

• 18.09.2024, 15:08

Гэта краіна-суседка.

У сераду, 18 верасня, міністр замежных спраў Андрэй Сібіга знаходзіцца ў Румыніі - гэта першы ягоны замежны візіт на пасадзе кіраўніка дыпламатыі. Пра гэта паведаміла прэс-служба МЗС.

У Бухарэсце Сібіга сустрэўся з міністрам замежных спраў Румыніі Лумініцай Адабеску. Яны абмеркавалі энэргетычную ўстойлівасць, Чарнаморскую бяспеку і вайсковую дапамогу. Міністр падзякаваў Румыніі за падтрымку ўступлення Украіны ў Еўрапейскі звяз і NАТО, а таксама за перадачу сістэмы супрацьпаветранай абароны Patriot.

Таксама Сібіга сустрэўся з прэм'ер-міністрам Румыніі Марчалам Чалаку.

«Абмеркавалі супольны памежны кантроль, абароннае супрацоўніцтва, свабоду суднаходства. Дамовіліся правесці двухбаковую міжурадавую сустрэчу з перспектывай далейшага прыцягнення Малдовы ў трохбаковым фармаце», - адзначыў кіраўнік МЗС.

У гэты ж дзень кіраўнік дыпламатыі сустрэўся са спікерам Сэната Румыніі Мікалае Чуке. Яны абмеркавалі далейшае супрацоўніцтва і падтрымку Румыніі на шляху Украіны да ўступлення ў ЕЗ і NАТА. Сібіга таксама адзначыў важнасць развіцця міжпарламенцкага супрацоўніцтва паміж краінамі.

У МЗС дадалі, што 18 верасня Сібіга наведае Славакію.