Праваабаронцы: Настаўнікаў па ўсёй Беларусі выклікаюць у КДБ

• 18.09.2024, 14:40

Ёсць затрыманні.

Па ўсёй Беларусі выкладчыкаў выклікаюць у КДБ усправе інтэрнэт-праекту дапамогі настаўнікам «Адукаванка», які прызнаны «экстрэмісцкім фармаваннем». Ёсць затрыманні, паведамляе праваабарончы цэнтр «Вясна».

У праваабаронцаў ёсць інфармацыя, што педагогі, якія былі ў тэлеграм чаце «Адукаванка», зазнаюць пераследы па ўсёй краіне. Іх выклікаюць у КДБ, вядома таксама пра затрыманні.

У самім чаце абмяркоўваліся ўрокі, інавацыйныя тэхналогіі выкладання матэрыялаў і гэтак далей.