«Лукашэнка і яго асяроддзе вельмі занерваваліся»

• 18.09.2024, 10:38

Дыктатар зразумеў, што бараніць яго не будуць.

Кандыдат філасофскіх навук, кіраўнік украінскага Цэнтра беларускіх камунікацый Максім Пляшко мяркуе, што Курская аперацыя УСУ прымусіла Лукашэнку баяцца. Такое меркаванне ён выказаў у інтэрв'ю сайту Charter97.org:

- У гэты момант Пуцін сябе не можа абараніць. Як ён зможа абараніць Лукашэнку? Сітуацыя ў Курскай вобласці вельмі паказальная і паўплывала на Беларусь і ўладу. Лукашэнка і ягонае асяроддзе вельмі занерваваліся. Яны зразумелі, што застануцца сам-насам. Пачалі праводзіць і «вучэнні», і паказуху, і гэтак далей. Мы з вамі цягам апошніх гадоў размаўлялі (і гэта супадае з тым, што гавораць беларускія добраахвотнікі на фронце), што вызваленне Беларусі адбудзецца праз перамогу Украіны.

Мы бачым сітуацыю ў Курскай вобласці, калі ў Расеі пачалася нестабільнасць, а мы з вамі яшчэ заспеем, калі ў РФ пачнуцца ўнутраныя войны. Рымская імперыя распадалася некалькі стагоддзяў. Расейская ж імперыя распадаецца з пачатку 90-х, і зараз адна з актыўных фаз.

Яна спрабавала сябе аднавіць, але ўсё прыйшло да таго, што яна рассыпаецца. І Курская вобласць - гэта першы такі сігнал, спроба таго, што будзе ў перспектыве. Таму, падкрэслю, Пуцін Лукашэнку не абароніць. Ён сябе не можа абараніць.