У Румыніі мужчына падпаліў будынак парламента

• 17.09.2024, 19:28

Відэа.

У Румыніі невядомы мужчына разліў запальную сумесь і падпаліў будынак парламента знутры. Эвакувалі 300 чалавек. Пра гэта 17 верасня ў сацыяльнай сетцы Х піша інфармацыйнае агенцтва Румыніі Agerpres, публікуючы відэа з камер назірання.

Інцыдэнт здарыўся пасля абеду. Пажар узнік у зоне для наведнікаў, у сувенірнай краме.

Паводле інфармацыі пажарнай службы агонь ахапіў плошчу блізу 30 м² і знішчыў тэкстыль ды офіснае абсталяванне.

Агонь ужо ўтаймавалі, абышлося без пацярпелых.

Што падахвоціла мужчыну да такіх дзеянняў, пакуль невядома. Паводле факту інцыдэнту ідзе расследаванне.