СМІ: У Кадырава перасталі працаваць унутраныя органы

• 16.09.2024, 12:13

Кіраўнік Чачэніі перажыў некалькі трансплантацый.

Кіраўнік Чачэніі Рамзан Кадыраў перажыў некалькі трансплантацый, піша тэлеграм-канал ВЧК-ОГПУ са спасылкай на крыніцу.

Паведамляецца, што ўсе спробы з органамі донараў, якія не былі ягонымі сваякамі, былі няўдалыя, а вось донарская нырка ад яго дзядзькі Магамеда нібыта прыжылася, у чым запэўнілі лекары.

«У верасні 2023 года Рамзан Кадыраў быў экстрана шпіталізаваны ў ЦКБ. У ВІП-пацыента развіўся востры панкрэатыт, на гэтым фоне адмовілі ўнутраныя органы», - гаворыцца ў паведамленні.

Раней паведамлялася, што некалькі месяцаў таму Кадыраў прапусціў пасланне Пуціна федэральнаму сходу, у сувязі з чым у СМІ абмяркоўвалі навіну, што ён праходзіць чарговы курс лячэння.

Пазней адзначалася, што, нягледзячы на санкцыі, у Грозны паступіла вельмі дарагое і сучаснае медыцынскае абсталяванне, неабходнае для стварэння асаблівай палаты пад патрэбы выключна аднаго чалавека і ягонага захворвання.