Туск плануе абвясціць стан стыхійнага бедства ў Польшчы

• 15.09.2024, 20:05

Праз маштабныя паводкі.

Прэм'ер-міністр Польшчы Дональд Туск аб'явіў, што плануе абвясціць у краіне стан стыхійнага бедства праз маштабныя паводкі.

Стан стыхійнага бедства ў адпаведнасці з дзейнымі нарматыўнымі актамі Польшчы можа быць уведзены на частках або на ўсёй тэрыторыі краіны.

«Пасля кансультацый з профільнымі міністрамі і службамі я распарадзіўся падрыхтаваць пастанову Савета міністраў аб увядзенні стану стыхійнага бедства», – заявіў Дональд Туск у сацсетцы Х (Twitter).

Стан стыхійнага бедства можа ўжывацца ў раёне, дзе адбылося стыхійнае бедства, і ў раёне, дзе могуць узнікнуць наступствы гэтага бедства.