Кіраўнік МЗС Літвы: Лукашэнка, заставайцеся за гэтай сцяной

• 15.09.2024, 17:18

Габрыэлюс Ландсбергіс наведаў абарончыя рубяжы Украіны на мяжы з Беларуссю.

Кіраўнік МЗС Літвы Габрыэлюс Ландсбергіс наведаў абарончыя рубяжы Украіны на мяжы з Беларуссю.

Фота ён апублікаваў у сваёй сацсетцы Х.

У Аператыўным камандаванні «Поўнач» паведамілі, што Ландсбергіс наведаў Чарнігаўскую вобласць, вывучаючы ўмацаванне абарончых рубяжоў і працэс збудавання фартыфікацый.

«Тут, на беларускай мяжы, я хачу сказаць: спадар Лукашэнка, заставайцеся за гэтай сцяной», – напісаў міністр у сацсетцы.

«Людзі, якія маюць патрэбу ў абароне, не атрымліваюць яе дастаткова. Людзі, ад якіх яны патрабуюць абароны, атрымліваюць яе ўдосталь. Прыйшоў час гэта змяніць», – дадаў ён.