Сербскі блогер залез у бярлог мядзведзя і выжыў

• 15.09.2024, 16:54

Відэафакт.

Сербскі блогер Стэфан Янкавіч здзівіў сваіх падпісчыкаў новым відэа, дзе апынуўся ў адным бярлогу з мядзведзем. Ягоны ролік пад назвай «На мяжы жыцця» імгненна стаў вірусным, сабраўшы мільёны праглядаў.

На кадрах відаць, як ён знаходзіцца ў бярлогу, а на другім відэа сядзіць на дрэве, пад якім гуляюць два мядзведзі. Як блогер патрапіў у такую сітуацыю, ён не патлумачыў.

Нягледзячы на тое, што мядзведзі ўяўляюць сур'ёзную пагрозу для людзей, у некаторых выпадках яны могуць не выяўляць агрэсіі, калі не адчуваюць небяспекі або занятыя пошукам ежы. Відаць, драпежнікі не ўважаюць Янкавіча за пагрозу і пакінулі яго ў спакоі.