Брытанскі палкоўнік распавёў, калі Лондан дазволіць Украіне біць Storm Shadow па РФ

• 15.09.2024, 10:08

Сітуацыя можа імкліва змяніцца.

Улады Вялікай Брытаніі могуць самастойна дазволіць Кіеву наносіць удары дальнабойнымі ракетамі Storm Shadow па цэлях у глыбіні тэрыторыі РФ. Пакуль Лондан азіраецца на Вашынгтон у гэтым пытанні, але сітуацыя можа змяніцца пасля прэзідэнцкіх выбараў у ЗША, якія адбудуцца ў лістападзе.

Такі пункт гледжання агучыў палкоўнік УС Злучанага Каралеўства ў запасе Хэміш дэ Брэтан-Гордан у каментары «24 каналу».

Вайсковы выказаў надзею, што новы брытанскі ўрад на чале з Кірам Стармерам усведамляе неабходнасць надання дапамогі Украіне.

«Гэта азначае даць ёй усё магчымае, каб яна перамагла Расею», - падкрэсліў палкоўнік.

З яго слоў, калі Крэмль не спыніць вайну ва Украіне, з ім давядзецца весці барацьбу на тэрыторыі Еўропы, а гэта азначае, што патэнцыйна вайна можа перарасці ў трэцюю сусветную.

Палкоўнік акцэнтаваў увагу, што ў апошні час было шмат сказана аб неабходнасці зняцця ўсіх абмежаванняў на выкарыстанне ўкраінскім войскам ракет Storm Shadow.

«Гэта самая важная пастанова, якую ўрад павінен прыняць», - дадаў субяседнік.