Беларусь накрые магутная магнітная бура

• 12.09.2024, 20:39

Названыя даты і час.

Наймацнейшая магнітная бура накрые Зямлю ў пятніцу, 13 верасня.

Пра гэта паведамляецца ў Telegram-канале галоўнага спецыяліста цэнтра надвор'я «Фобас» Міхаіла Леуса.

Чакаюцца моцныя буры класу G2. Прычым на Сонцы за апошнія некалькі дзён адбылося некалькі выбліскаў.

Адзначаецца, што пік актыўнасці прыпадзе на ноч з 13 на 14 верасня, калі да нашай планеты дойдзе шчыльнае ядро воблака.

«Сіла буры ў максімуме пакуль чакаецца памяркоўная – узровень 1-2 паводле 5-бальнай шкалы (верагоднасць такога сцэнара – блізу 70%)», – гаворыцца на сайце лабараторыі сонечнай астраноміі Інстытута касмічных даследаванняў (ІКД) і Інстытута сонечна-зямной фізікі (ІСЗФ) РАН.

Паводле ацэнак навукоўцаў, колькасць сонечных выбліскаў будзе расці. Уся рэч у тым, што наша зорка набліжаецца да піку актыўнасці, які наступіць у 2025 годзе.