Кошты золата выраслі да новага гістарычнага максімуму

• 12.09.2024, 18:16

З пачатку года золата падаражэла больш як на 20%.

Кошты золата абнавілі рэкордна высокі ўзровень. Кошт снежаньскага кантракта на золата на Чыкагскай таварнай біржы (CME) а 16:10 паводле Менску падняўся на 1,17%, да $2572,3 за ўнцыю. Папярэдні рэкорд быў устаноўлены ў сярэдзіне жніўня, тады кошт падвышаўся да $2570,4.

З пачатку 2024 года золата падаражэла больш як на 20%. Попыт на каштоўны метал вырас на чаканнях зніжэння адсоткавай стаўкі ФРС ЗША, актыўных пакупак з боку найбуйнейшых цэнтральных банкаў і росту цікавасці да актыву-сховішча праз узмацненне геапалітычнай напружанасці на Блізкім Усходзе.