У РФ танкер «Лена Нафта» затрымаўся пад мостам на Волзе

• 12.09.2024, 16:37

Ён зачапіў рубкай яго палатно.

Расейскі грузавы танкер «Лена Нафта», які рухаўся па маршруце Татарстан — Яраслаўль, захрас пад чыгуначным мостам у Кастраме, паведамляе BAZA.

Адпаведнае відэа было абнародавана ў мясцовых пабліках у сацсетках.

Як паведамляецца, прычынай здарэння стала тое, што капітан судна не разлічыў яго габарытаў, у выніку чаго закрануў палатно моста рубкай і іншымі размешчанымі на палубе аб'ектамі.

"Капітан танкера не разлічыў вышыню перагону Кастрама – Новая – Карымава і габарыты ўласнага судна, пасля чаго «Лена Нафта» ўваткнулася носам у падмурак чыгуначнага моста", – гаворыцца ў паведамленні.