Дзяржсакратар ЗША Блінкен сустрэўся з галоўным рэдактарам «Цензор.НЕТ» Бутусавым

• 12.09.2024, 14:14

Каб абмеркаваць рэфарматарскія намаганні ва Украіне.

Дзяржаўны сакратар ЗША Энтані Блінкен падчас візіту ў Кіеў 11 верасня сустрэўся з прадстаўнікамі незалежных СМІ і грамадзянскай супольнасцю, сярод іншых - з галоўным рэдактарам «Цензор.НЕТ» Юрыем Бутусавым.

Пра гэта паведаміла амбасадарка ЗША ва Украіне Брыджыт Брынк.

«Энтані Блінкен сустрэўся з прадстаўнікамі незалежных СМІ і грамадзянскай супольнасці Юрыем Бутусавым, Святланай Мусіякай і Віталём Шабуніным, каб абмеркаваць рэфарматарскія намаганні ва Украіне. Моцная грамадзянская супольнасць і вольныя сродкі масавай інфармацыі з'яўляюцца краевугольнымі камянямі дэмакратый і жыццёва важнымі для імкненняў Украіны далучыцца да ЕЗ і NАТО», - гаворыцца ў паведамленні.

Нагадаем, напярэдадні, 11 верасня, дзяржаўны сакратар ЗША Энтані Блінкен і міністр замежных спраў Вялікабрытаніі Дэвід Лэмі прыбылі з афіцыйным візітам у Кіеў.

Блінкен падчас візіту ў Кіеў аб'явіў аб пакеце гуманітарнай і іншай дапамогі Украіне на агульную суму больш за 700 мільёнаў даляраў.