Расейцы абстралялі ў Мурманскай вобласці самалёт

• 12.09.2024, 12:29

Яго прынялі за БПЛА.

Пасля паветранай трывогі ў Мурманскай вобласці расейскія вайскоўцы настолькі разнерваваліся, што выпадкова абстралялі лёгкаматорны самалёт, які пралятаў у небе, прыняўшы яго за «варожы БПЛА».

Пра гэта паведамілі ў пракрамлёўскіх Telegram-каналах.

«Два лёгкія спартовыя самалёт (ATEC 321 Faeta NG і BRM Aero Bristell NG5) вылецелі з пасадачнай пляцоўкі ў Апатыцкай муніцыпальнай акрузе ў Архангельск... Пасля ўзлёту пілот аднаго з бартоў убачыў, што другі самалёт паводзіць сябе неяк дзіўна, і падаў сігнал бедства. Пазней высветлілася, што другі борт абстралялі са стралковай зброі», - гаворыцца ў паведамленні.

Пілот у выніку абстрэлу не пацярпеў, аднак перапуджаныя вайскоўцы РФ пашкодзілі кулямі крыло і фары самалёта.