Маладзёвая каманда Беларусі прапусціла 6 мячоў ад аднагодкаў са Славакіі

• 10.09.2024, 21:08

Футбольны матч прайшоў на Кіпры.

У аўторак, 10 верасня, у таварыскім паядынку футбольная каманда Беларусі (U-21) сустракалася з камандай Славакіі (U-21). Паядынак закончыўся з лікам 1:6.

Матч прайшоў на Кіпры, дзе выхаванцы Сяргея Яромкі праводзяць вераснёўскі збор.

Адзіны гол у складзе каманды забіў Радзіён Пячура. Ён здолеў рэалізаваць пенальці. На 26-й хвіліне беларускі нападнік ЦСКА Арцём Шуманскі з адзінаццаціметровага вызначыцца не змог – галкіпер парыраваў.

У першым спарынгу, які прайшоў некалькі дзён таму, беларусы саступілі аднагодкам з Кіпра (1:2).

15 кастрычніка беларускую «маладзёўку» чакае афіцыйны матч. У спаборніках – Фарэрскія астравы.