У Баранавічах адбылося незвычайнае ДТЗ
- 22.08.2024, 21:37
Сутыкнуліся дзве бетонамяшалкі.
Сёння а 12:40 на вуліцы Кірава ў Баранавічах сутыкнуліся два грузавыя аўтамабілі.
Аднаму з кіроўцаў спатрэбілася дапамога ратавальнікаў: яго ногі прыціснула.
Ратавальнікі з дапамогай спецыяльнай прылады адчынілі дзверы, адціснулі панэль, вызвалілі мужчыну і перадалі яго брыгадзе медыкаў.
Пасля агляду пацярпелага шпіталізавалі ў лякарню. Кіроўца другога аўто не пацярпеў.