Генерал-маёр СБУ распавёў, якая пастанова Крамля гуляе на руку Украіне

• 22.08.2024, 17:12

Расейцам гэта не спадабаецца.

Расея пастанавіла выкарыстоўваць вайскоўцаў тэрміновай службы, бо гэта значна танней, чым забяспечваць мабілізаваных.

Пра гэта заявіў генерал-маёр запасу СБУ, дырэктар Агенцтва па рэфармаванні сектара бяспекі Віктар Ягун у эфіры тэлеканала «Эспрессо».

«У Расеі пастанавілі выкарыстоўваць вайскоўцаў тэрміновай службы, бо гэта значна танней, чым забяспечваць прыток новых мабілізаваных. Па-першае, расейцы не хочуць абвяшчаць адкрытую мабілізацыю, якая працягваецца на аснове ўказа, падпісанага Пуціным раней. Яны набіраюць прыкладна 30-40 тысяч чалавек на месяц для забеспячэння сваіх патрэб, закрываючы пэўныя прабелы. Аднак гэтага відавочна недастаткова для таго, каб назапасіць ударную сілу, не кажучы ўжо аб стварэнні стратэгічных рэзерваў або прыкрыцці сітуацыі на Куршчыне, якая можа развівацца і ў іншых прымежных абласцях РФ», - падкрэсліў Ягун.

З яго слоў, расейцы мяркуюць, што няма сэнсу абвяшчаць мабілізацыю, калі можна кожныя паўгода набіраць па 300 тысяч вайскоўцаў тэрміновай службы, і гэтага будзе дастаткова. Украіне гэта на руку, бо там разумеюць, якія рызыкі звязаныя з салдатамі.

«Іх гібель выклікае зусім іншыя эмоцыі, чым у выпадку з прафесійнымі вайскоўцамі. Акрамя таго, калі Пуцін прыйшоў да ўлады, ён абяцаў гарантаваць высокую бяспеку дзяржавы без спадзеву на жаўнераў тэрміновай службы. Ён заўсёды асабіста ўмешваўся ў пытанні, звязаныя з жаўнерамі тэрміновай службы, і для яго гэта было табу. Але ў цяперашняй сітуацыі бачым зусім іншы падыход», - адзначыў Ягун.