Лукашэнка настолькі хворы, што не можа паляцець у Афрыку?

• 21.08.2024, 10:58

Нават на запрашэнне генеральнага сакратара ААН.

Генеральны сакратар ААН Антонію Гутэрыш запрасіў Аляксандра Лукашэнку на канферэнцыю для краін, якія сталі на шлях развіцця, не маюць выхаду да мора, паведамляе прэс-служба Міністэрства замежных спраў.

Канферэнцыя пройдзе ў снежні ў Батсване.

Прэс-сакратар МЗС Анатоль Глаз паведаміў, што Беларусь плануе "прыняць непасрэдны ўдзел у гэтай канферэнцыі на ўзроўні кіраўніцтва МЗС".

Адзначым, што раней Лукашэнка не ўпускаў магчымасці наведаць падобныя форумы. Асабліва ва ўмовах дыпламатычнай ізаляцыі.

Яшчэ 1 снежня 2023 года дыктатар прыняў удзел у Сусветным саміце барацьбы са змяненнем клімату ў Дубаі. Не палохалі яго і палёты ў Афрыку. У 2023 годзе ён наведваў Зімбабвэ і Экватарыяльную Гвінею.

Магчыма, сёння Лукашэнка проста не ў стане паляцець у Батсвану. Дыктатар сам заяўляў аб праблемах са здароўем.