У Менску прадаюць дом за рэкордныя 4,5 мільёна даляраў
- 21.08.2024, 10:25
Як ён выглядае і дзе знаходзіцца?
На Realt прадаецца палац за 4,5 мільёна даляраў. На сёння гэта самы дарагі дом з тых, што прадаецца ў Беларусі. І знаходзіцца ён зусім не ў Драздах, а нават у цікавейшым месцы. «Прапануецца да набыцця не будынак, а статуснасць і адчуванні», - гаворыцца ў аб'яве.
Гэты дом пабудавалі ў 2011 годзе ў закрытым пасёлку на вуліцы Кальцова, пра які мы раскажам ніжэй. Вось размяшчэнне дома на карце:
А вось так дом выглядае з вышыні:
Дом пабудаваны з блокаў. На даху - дахоўка. Плошча - 472 квадраты.
На першым паверсе знаходзяцца хол, гасцёўня, кухня-сталовая. Вось як гэта выглядае знутры:
На другім паверсе - кабінет і спальні.
На цокальным паверсе размясцілася зона адпачынку з саўнай і більярдам.
Усе камунікацыі ў доме цэнтральныя, ацяпленне - газавае. Пляц - 20 сотак.
Што гэта за паселішча?
Паселішча, пра якое ідзе гаворка, знаходзіцца ў тупіку вуліцы Кальцова. З аднаго боку ад яго лес, з другога - Цнянскае вадасховішча.
Фармальна землі агульнага карыстання гэтага пасёлка падзеленыя на два зямельныя надзелы, але фізічных межаў паміж гэтымі пляцамі няма. Адзін быў перададзены ў арэнду кампаніі "Дана Астра", іншы - кааператыву "Новае Кальцо". Менавіта гэтыя арганізацыі адказваюць за ўтрыманне і добраўпарадкаванне пасёлка, а таксама за пропуск на яго тэрыторыю.
Палац, які прадаецца, знаходзіцца на пляцы, якім валодае «Новае Кальцо». Пры гэтым варта адзначыць, што кожны прыдамавых пляц у пасёлку належыць уласніку канкрэтнага дома.