У Беларусь ідзе трапічная спякота

• 21.08.2024, 8:39

Яе прынясе цыклон Ота.

З 24 жніўня Беларусь накрые цыклон Ота (Otto. - Рэд.), які прынясе ў краіну трапічна гарачае надвор'е, паведамляе тэматычны тэлеграм-канал «Надвор'е».

Перад тым як спякотнае трапічнае надвор'е чарговы раз усталюецца ў канцы працоўнага тыдня, 22 і 23 жніўня, у Беларусі пахаладае. Беларусаў у чацвер і ў пятніцу чакае скандынаўская свежасць, а пасля перадыху - зноў цёпла.

Як заўважаюць сіноптыкі, з суботы 24 жніўня Беларусь апынецца на заходняй перыферыі цыклону. Прычым спякота прыйдзе не на адзін ці два дні. Цыклон Ота накрые Беларусь з 24 жніўня практычна да канца жніўня. Ужо зараз беларусам абяцаюць шыкоўныя сонечныя сухія выхадныя з тэмпературамі каля +24 - +30 градусаў, а па паўднёвым захадзе Беларусі ў нядзелю, 25 жніўня, пацяплее і да +32 градусаў.