Сталі вядомыя прычыны абвальвання будынка былога РАУС у Гомелі
- 27.07.2024, 19:30
Будаўнік расказаў аб дзеяннях новага ўладальніка.
Уласнік будынка былога РАУС планаваў адкрыць у ім гандлёвы цэнтр. Для гэтага пачаў тут рамонтныя работы, аднак праекту на іх правядзенне не было.
Адзін з будаўнікоў, знаёмы з сітуацыяй на гэтым аб'екце, на ўмовах ананімнасці распавёў гомельскаму выданню «Флагшток», што «новы ўладальнік-прыватнік наважыў зэканоміць на праекце».
«Экспертызы не было, працоўныя свідравалі сцены і пашыралі вокны на свой страх і рызыку», – кажа будаўнік.
Прычынай такога вядзення рамонтных работ, з ягоных слоў, стала жаданне ўласніка зэканоміць.
Раней паведамлялася, што 26 ліпеня ў Гомелі абрынуўся будынак былога РАУС. На шчасце, абышлося без пацярпелых.