Узарваныя пад Масквой гелікаптэры ўжывалі ў вайне з Украінай
- 27.07.2024, 18:37
Сталі вядомыя дэталі ўдару Гур па цэлям у РФ.
У Галоўным упраўленні разведкі Мінабароны расказалі падрабязнасці ўдару па вайсковых цэлях на тэрыторыі РФ.
Удакладняецца, што 24 ліпеня на аэрадроме «Краж» у горадзе Самара згарэў вайсковы шматмэтавы гелікаптэр Мі-8.
«А некалькімі днямі раней, 21 ліпеня 2024 года, у населеным пункце Таміліна пад Масквой агнявое пашкоджанне зазналі яшчэ два гелікаптэры дзяржавы-агрэсара – ударны Мі-28 і шматмэтавы Ка-226», – расказалі вайсковыя разведчыкі.
Яны ўдакладняюць, што два барты РФ былі размешчаныя на тэрыторыі расейскага цэнтру верталётабудавання Міль і Камаў.
«Гэта вайсковае авіяцыйнае прадпрыемства дзяржавы-агрэсара займаецца распрацоўкай, вытворчасцю і рамонтам гелікаптэраў», – растлумачылі ў ГУР.
Пры гэтым таксама ўдакладняецца, што ў структуры цэнтру дзейнічаюць два канструктарскія бюро, доследная вытворчасць, эксперыментальна-даследчы комплекс і выпрабавальны цэнтр, а знішчаныя і пашкоджаныя расейскія гелікоптэры агрэсар выкарыстаў у вайне супраць Украіны.