Сетка «Суседзі» папрасіла беларусаў паказваць гэты жэст касірам.

• 27.07.2024, 18:30

Навошта?

На канале беларускай гандлёвай сеткі «Суседзі» у TikTok з'явіўся відэаролік, у якім паказалі адзін кароткі жэст і папрасілі пакупнікоў больш актыўна паказваць яго сваім касірам. Гаворка пра супрацоўнікаў так званых «ціхіх кас» – там працуюць касіры, якія слаба чуюць, якія, як правіла, выдатна гавораць на жэставай мове.

Вялікая імавернасць, што ваша «дзякуй» супрацоўнік «ціхай касы» не пачуе ў шумных умовах гандлёвага цэнтру (хоць напэўна з лёгкасцю прачытае па вуснах, бо гэты навык у людзей са слабым слыхам, як правіла, развіты значна лепш, чым у людзей, якія звыкнуліся спадзявацца ў камунікацыі пераважна на слых).

Аднак, выйсці з сітуацыі і падзякаваць касіру можна з дапамогай простага жэсту – прыклаўшы сціснутую ў кулак руку косткамі пальцаў спачатку да падбародка, а затым – да лба (або ў зваротным парадку – спачатку да лба, а затым – да падбародка, абодва варыянты лічацца дапушчальнымі у расейскай жэставай мове).

Па адной з легенд гісторыя гэтага жэсту сыходзіць сваімі каранямі ў французскае сярэднявечча, дзе падзяку вызначалі як «памяць сэрца», адкуль і пайшоў гэты жэст – спачатку руку прыкладвалі да ілба (што сімвалізавала «памяць»), а затым – да сэрца. Аднак да нашых дзён жэст дайшоў у спрошчаным выглядзе.

Праект з «ціхімі касамі» па працаўладкаванні са слабым слыхам у крамах сеткі «Суседзі» стартаваў яшчэ ў 2017 годзе, з тых часоў крам з падобнымі супрацоўнікамі стала дастаткова шмат. Іх працоўныя месцы пазначаны спецыяльнымі інфармацыйнымі таблічкамі, якія папярэджваюць пакупнікоў аб асаблівасцях супрацоўніка.