Расейскі самалёт выпусціў авіябомбу ў 250 кг проста ў агарод жыхара пасёлка ў Белгарадскім раёне.
- 27.07.2024, 17:47
ФАБ упаў за 20 метраў ад дома.
У ноч на суботу, 27 ліпеня, расейскі самалёт упусціў у агарод жыхара пасёлка Разумнае ў белгарадскім раёне авіябомбу ФАБ-250. Набой упаў за 20 метраў ад дому, паведамляюць «Важныя гісторыі» са спасылкай на тэлеграм-канал «Попел.Белгарад».
Бомба ўвайшла ў зямлю на некалькі метраў, але не здэтанавала. Вуліцу ачапілі, але жыхароў пасёлка не эвакуююць. Набой вайскоўцы наважылі даставаць экскаватарам.
Тэлеграм-канал «Апалітыка?» адзначае, што побач з месцам падзення бачны абломак модуля УМПК (універсальны модуль планавання і карэкцыі). З дапамогай такіх модуляў ваенна-касмічныя сілы РФ спускаюць фугасныя авіябомбы над тэрыторыяй Расеі ці акупаванымі гарадамі, каб тыя потым самастойна дасягнулі цэлі.