На Ямале прагрымеў выбух на найбуйнейшым участку РФ па здабычы газу

• 27.07.2024, 16:42

Слуп полымя паказалі на відэа.

У Ямала-Ненецкай аўтаномнай акрузе адбыўся выбух на ўстаноўцы па комплекснай падрыхтоўцы газу. 26 ліпеня тут жа паведамлялася аб такім здарэнні.

Выбух адбыўся на ўстаноўцы па комплекснай падрыхтоўцы газу на Усходне-Урэнгойскім ліцэнзійным участку АТ «Роспан Інтэрнэшнл» у Пураўскім раёне Ямала-Ненецкай аўтаномнай акругі. Відэа слупа агню сярод сістэмы труб апублікавалі ў СМІ, паведамляе dialog.ua.

Запасы «Роспана» – 975 мільярдаў кубаметраў газу, 40 мільёнаў тон нафты. Указанае акцыянернае таварыства – вядучы вытворца звадкаванага газу ў Расеі.

Надзвычайнае здарэнне наўрад ці звязана з абстрэлам Узброеных сіл Украіны, бо яшчэ 26 ліпеня на вышэйназваным аб'екце рыхтаваліся да правядзення рамонту, калі адбыўся выбух газапаветранай сумесі. У выніку адзін чалавек загінуў і яшчэ 7 пацярпелі.