Расейцам пагражае акружэнне: Камандзір узводу УСУ расказаў пра сітуацыю на Данбасе
- 27.07.2024, 13:20
У раёне Нью-Ёрка і горада Тарэцк прасоўванне ворага спыненае.
У расейцаў не атрымліваецца прасунуцца наперад у кірунку пасёлка Нью-Ёрк, размешчанага ў Тарэцкай гарадской тэрытарыяльнай грамадзе Бахмуцкага раёна Данецкай вобласці.
Такім меркаваннем падзяліўся камандзір узвода 95-й асобнай дэсантна-штурмавой Палескай брыгады Узброеных сілаў Украіны Станіслаў Красноў у эфіры канала «Кіеў24», піша unian.net.
Паводле ягоных словаў, у раёне Нью-Ёрка і горада Тарэцк прасоўванне ворага спыненае.
«Не думаю я, што ў іх далей атрымаецца прасунуцца наперад, тым больш, яны самі вельмі моцна рызыкуюць, так глыбока ўкліньваючыся ў нашу абарону ў кірунку Нью-Ёрка. Яны самі лёгка могуць патрапіць у акружэнне там», – расказаў абаронца.