Стала вядома, якая каманда заваявала першае золата на Алімпіядзе
- 27.07.2024, 12:59
Прайшлі спаборніцтвы ў стральбе з пнеўматычнай вінтоўкі.
Каманда Кітая ў стральбе з пнеўматычнай вінтоўкі ў міксце заваявала першы залаты медаль Алімпіяды-2024.
Кітайскія спартоўцы Хуан Юйцін і Шэн Ліхаа заваявалі залатыя ўзнагароды ў стральбе з 10 метраў з пнеўматычнай вінтоўкі на Алімпійскіх гульнях 2024 года.
Дуэт кітайскіх стралкоў у фінале адолеў карэйцаў. Кым Чын Ен і Пак Ха Чон саступілі пераможцам у жорсткай барацьбе (12:16).
Бронзавыя ж медалі дасталіся прадстаўнікам Казахстана – Аляксандры Ле і Ісламу Сатпаеву.
Юйцін / Ліхаа (Кітай)
Чын Ен / Ха Чон (Рэспубліка Карэя)
Ле / Сатпаеў (Казахстан)