Z-прапагандыст заклікаў ударыць па «Сіле Сібіры» ракетамі, каб «пакараць Кітай»
- 27.07.2024, 12:34
Шалёная прапанова.
Расейская прапаганда незадаволеная тым, што Кітай набывае ў РФ рэсурсы за бясцэнак, але адмаўляецца дапамагаць у вайне супраць Украіны.
З гэтай прычыны Z-прапагандыст Дзмітрый Сцешын заклікаў атакаваць газаправод «Сіла Сібіры».
Сваю ідэю прапагандыст выклаў у Telegram-канале, на які падпісаны больш за 150 тыс. чалавек, паведамляе dialog.ua.
«Трэба правесці з ім (з Пекінам – рэд.) тлумачальную працу... Я зрабіў бы наступнае(...): дрон, з кітайскіх камплектавальнікаў у задзірлівай “жоўта-блакітнай размалёўцы” ўплюшчыў у “Сілу Сібіры”. І паведаміў бы Кітаю, што ён сам у гэтым вінаваты і ўвогуле дрэнны, ненадзейны хаўруснік… Вядома, ёсць больш цывілізаваныя спосабы пераканаць Кітай, які шчыльна прыпаў да рэсурсаў маёй радзімы. Але гэта самы хуткі і наглядны», – напісаў расейскі прапагандыст.