«Тысячы мала?»
- 27.07.2024, 12:12
П'яны кіроўца засунуў даішніку грошы ў бардачок.
Увагу экіпажу ДПС у Барысаве звярнуў Renault, за стырном якога знаходзіўся 49-гадовы мужчына «з відавочнымі прыкметамі алкагольнага ап'янення».
Спрабуючы ўнікнуць адказнасці, кіроўца настойліва пачаў прапаноўваць інспектару хабар памерам больш за 1,2 тысячы рублёў і 200 еўраў. На неаднаразовыя папярэджанні аб крымінальнай адказнасці парушальнік не рэагаваў і пакінуў грошы ў бардачку службовага аўтамабіля.
Мужчыну затрымалі. Агляд паказаў 0,8 праміле алкаголю ў парах выдыханага паветра.
Пачатая крымінальная справа за даванне хабару службовай асобе.