Беларускіх выпускнікоў хочуць адпраўляць па размеркаванні ў Расею?
- 26.07.2024, 17:06
Студэнтаў могуць сутыкнуцца з новаўвядзеннем.
«Парламенцкі сход» «саюза» Беларусі і Расеі абмяркоўвае магчымасць размеркавання выпускнікоў на прадпрыемствы ў дзвюх краінах, прызнаныя прыярытэтнымі для эканомікі «саюзнай дзяржавы».
Такая ідэя абмяркоўваецца ў камісіі працы, сацыяльнай палітыкі і аховы здароўя, пішуць «Минск-Новости».
У Беларусі ўжо ўзмацнілі ўвагу да пытання мэтавай падрыхтоўкі навучэнцаў непасрэдна на прадпрыемствах, якія задзейнічаныя ў саюзнай эканоміцы. Выпускнікоў ССНУ забяспечаць працай на тры гады, а тых, хто атрымаў адукацыю ў ВНУ, — на пяць гадоў.
Як менавіта будзе працаваць такая сістэма размеркавання, не паведамляецца. У Беларусі размеркаванне выпускнікоў-бюджэтнікаў з'яўляецца абавязковым, неаднаразова ўзнімалася пытанне аб увядзенні абавязковага размеркавання і для студэнтаў-платнікаў.
У Расеі ж сістэмы абавязковага размеркавання не існуе.