«Унікальны экіпаж»: стала вядома, хто разбіўся ў расейскім Мі-28

• 26.07.2024, 12:05

Камандзір быў прадстаўлены да ўзнагароды "Герой Расеі", але так яе і не атрымаў.

У Калужскай вобласці РФ 25 ліпеня ўпаў вайсковы гелікаптэр Мі-28, які вяртаўся з баявога задання на мяжы з Украінай. У Расеі яго называюць адным з самых дзейсных. Пра гэта паведаміў палкоўнік УСУ і блогер Анатоль Штэфан «Шцірліц» са спасылкай на расейскія Z-паблікі.

Акупанты называюць гэты экіпаж «унікальным», зрэшты, прозвішчы загінулых хаваюць.

У выніку авіякатастрофы загінулі:

Камандзір - старшы лейтэнант, кавалер Ордэна Мужнасці, камандаваў нібыта самым дзейсным гелікаптэрам ВКС Расеі ў баях супраць расейскіх добраахвотнікаў РДК.

Штурман - малады лейтэнант.

Загінулыя нібыта за 72 гадзіны знішчылі больш за 20 танкаў, ББМ і ЗРК Сіл абароны, "лёталі ў самае пекла", а камандзір быў прадстаўлены да ўзнагароды "Герой Расеі", але так яе і не атрымаў, не паспеў.