Ва Украіне затрымалі падазраванага ў забойстве Фарыён

• 25.07.2024, 15:25

18-гадовы падазраваны быў арыштаваны ў Дняпры.

Ва Украіне затрымалі падазраванага ў забойстве экс-дэпутаткі Рады Ірыны Фарыён, паведаміў у сацсетках прэзідэнт Украіны Уладзімір Зяленскі.

Падазраванаму 18 гадоў. Ён быў затрыманы ў Дняпры.

«Толькі што міністр унутраных спраў Украіны Ігар Кліменка паведаміў мне аб затрыманні ў Дняпры падазраванага ва ўчыненні забойства Ірыны Фарыён.

Аперацыя затрымання была вельмі няпростай. На працягу гэтых дзён над раскрыццём забойства працавалі сотні спецыялістаў Нацыянальнай паліцыі Украіны, СБУ і іншых службаў», - заявіў Зяленскі.

Нагадаем, увечары 19 ліпеня ў Львове невядомы стрэліў у былую дэпутатку Вярхоўнай Рады Ірыну Фарыён. Яна атрымала раненне ў галаву і памерла ў бальніцы.