У Беларусі на сайце прыватных аб'яваў прадаюць амаль новую Ferrari
- 24.07.2024, 21:52
За колькі.
На беларускім партале аб'яваў Kufar.by прадаецца чорны кабрыялет Ferrari 812 GTS 2022 года выпуску.
У машыны бензінавы рухавік абёмам 4 л, поўны прывад і аўтаматычная скрынка перадачаў.
Нягледзячы на тое, што ў аб'яве аўтамабіль паказаны як новы, ягоны прабег складае 3003 км. За ўсё гэта хараство просяць $812 тыс. (або 2,5 млн беларускімі).
На еўрапейскіх пляцоўках прапанавана даволі шмат аўто з прабегам літаральна пару-тройку тысячаў кіламетраў. Відаць, гаспадары элітных аўтамабіляў проста не знаходзяць, куды на іх ездзіць.
У роднай для Ferrari Італіі можна набыць падобны практычна новы асобнік за €500–520 тыс. Кошт жа машыны з завода можа перавышаць і €2 млн.