Беларус Шкурын забіў свой першы гол у новым сезоне чэмпіянату Польшчы
- 22.07.2024, 21:29
Відэафакт.
Ілля Шкурын забіў свой першы гол у новым сезоне футбольнага першынства Польшчы. Беларускі футбаліст вызначыўся ў матчы «Сталі» супраць «Відзева». Здарылася гэта на апошніх секундах першага тайму. Шкурын вывеў «Сталь» наперад – 1:0.
У мінулым сезоне Ілля Шкурын забіў 16 галоў (другое месца сярод бамбардзіраў чэмпіянату Польшчы).
Пасля прэзідэнцкіх выбараў і разгону мірных пратэстаў у 2020-м Шкурын заявіў, што не будзе выступаць за нацыянальную каманду Беларусі, пакуль краінай кіруе Аляксандр Лукашэнка.