Макрон з другога разу прыняў адстаўку ўраду
- 16.07.2024, 19:37
Прэм'ер Францыі пастанавіў падаць у адстаўку пасля другога туру парламенцкіх выбараў.
Прэзідэнт Францыі Эмануэль Макрон з другой спробы прыняў адстаўку ўраду прэм'ер-міністра Габрыэля Аталя, паведамляе BFMTV са спасылкай на Елісейскі палац.
Аталь і ўрад прадоўжаць працаваць да фармавання новага кабінета міністраў.
Прэм'ер пастанавіў падаць у адстаўку пасля другога туру парламенцкіх выбараў, на якіх першае месца заняў левы «Новы народны фронт», а кааліцыя Макрона «Разам!» – другое. Прэзідэнт тады не прыняў ягоную адстаўку.