Гэтай ноччу ў цэнтры Гародні пойдуць танкі і БТРы
- 15.07.2024, 19:12
На плошчы Леніна адбудзецца рэпетыцыя выступлення бронетранспарцёраў.
Як паведамляе прэс-служба Гарадзенскага гарадскога выканаўчага камітэта, у ноч з панядзелка на аўторак (з 15 на 16 ліпеня) па гарадскіх дарогах будзе перамяшчацца вайсковая тэхніка.
Адзначаецца, што на плошчы Леніна адбудзецца рэпетыцыя выступлення бронетранспарцёраў. А паказальны своеасаблівы вальс можна будзе ўбачыць 16 ліпеня - у Дзень вызвалення горада ад нямецка-фашысцкіх захопнікаў.
Таксама гараджан папярэджваюць, што ў аўторак з 17 да 21 гадзіны будзе абмежаваны рух і стаянка аўтамабіляў на вуліцах 1 Мая, Акадэмічнай, Батанічнай.