У Мазыры ўтварыліся вялізныя чэргі да цыстэрнаў з вадой
- 15.07.2024, 16:06
Праз ураган горад застаўся без вады і святла.
Учарашняя бура ў Мазыры прывяла да адключэння электрычнасці і вады. Раніцай паведамлялася аб двух пунктах раздачы вады, аднак апоўдні іх колькасць павялічылася да шасці.
Тэлеграм-канал «Мазыр» апублікаваў відэа, якое захавала чаргу па ваду каля ГЦ «Апельсін». У горадзе таксама працуюць аўтацыстэрны з вадой па наступных адрасах:
• РВС (вул. Малініна, 8)
• крама «Дары ад зары» (вул. Прытыцкага, 1)
• крама «Санта» (вул. Інтэрнацыянальная, 48)
• крама «На Растонях» (насупраць рынку «Прывоз»)
• Мазырскі тубдыспансер (вул. Катлаўца, 26)
Мясцовыя жыхары ў каментарах выказваюць незадаволенасць, зазначаючы, што для горада з насельніцтвам 100 тысяч чалавек неабходна больш аўто з вадой.