Лідар апазіцыі Нямеччыны загаварыў аб пастаўках баявых самалётаў Украіне

• 15.07.2024, 9:38

Немцы не могуць застацца ў баку.

Лідар найбуйнейшай апазіцыйнай партыі ў Нямеччыне Фрыдрых Мерц заявіў аб неабходнасці ўзмацнення падтрымкі Украіны ў яе абарончай вайне і выказаўся аб пастаўках Кіеву баявых самалётаў.

Як піша “Нямецкая хваля”, лідар Хрысціянска-дэмакратычнага звязу перакананы, што ўкраінцам трэба дапамагчы аднавіць суверэнітэт над іх паветранай прасторай.

"Паколькі гэтыя ракетныя атакі, якіх цяпер адбываецца ўсё больш, на інфраструктуру, на аб'екты электра-і водазабеспячэння, на лякарні і дамы састарэлых, не могуць быць узяты пад кантроль толькі з зямлі", – растлумачыў Мерц.

Паводле ягоных слоў, развязаннем праблемы з'яўляецца пастаўка Украіне баявых самалётаў у многіх краінах, у тым ліку і з Еўразвязу.

"Мы, немцы, не можам застацца ўбаку", - падкрэсліў апазіцыянер.